Республикалық көпкүндік тас жол жарысы өтті

19-25 маусым күндері Петропавл қаласында 2007-2008 жылы туған жасөспірімдер арасында Олимпиада чемпионы Александр Винокуровтың жүлдесі үшін тас жолдағы республикалық көпкүндік жарыс өтті. Жарысқа Қазақстан Республикасының 7 облысынан, Ресей Федерациясынан 100-ден астам спортшы қатысты.

1 кезең – командалық жарыста Райт Д., Сергулы Н., Риве К., Мұратжанов Е., Иглинский К., Куйтенов М. 3-орынға ие болды.

2 кезең – 70 шақырым топтық жарыста Риве К. кезең жеңімпазы болды.

3 кезең – 55 шақырым топтық жарыста тағы да Риве К. кезең жеңімпазы атанды, Мұратжанов Е. 3-орынға ие болды.

4 кезең – 67 шақырым топтық жарыста алдыңғы кезеңдегідей Риве К. кезең жеңімпазы атанды, ал Мұратжанов Е. мәреге үшінші болып жетті.

5 кезең - жеке жарыста Риве К. 5-орынға, ал Мұратжанов Е. 14-орынға ие болды.

Осылайша, бас жіктелімде Рив К. күміс, Мұратжанов Е. қола медальдарға қол жеткізді.

5 кезеңнің қорытындысы бойынша командалық есепте Астана қаласының командасы 1-орынға ие болды.   

Спортшыларымызды жеңістерімен құттықтап, алдағы жарыстарда сәттілік тілейміз!